អាជ្ញាធរកម្ពុជាគ្រប់គ្រងសកម្មភាពកម្ចាត់មីន និងសង្គ្រោះជនពិការដោយសារមីន
Cambodian Mine Action and Victim Assistance Authority

វិទ្យុផ្សាយផ្ទាល់

    សាធារណៈរដ្ឋឆេកមានបំណងជួយដល់វិស័យសកម្មភាពមីននៅកម្ពុជា

    ច័ន្ទ ១៣ វិច្ឆិកា ,២០១៧ ១៤:៥១ 43
    សាធារណៈរដ្ឋឆេកមានបំណងជួយដល់វិស័យសកម្មភាពមីននៅកម្ពុជា

    ភ្នំពេញ ថ្ងៃទី០៨ ខែវិច្ឆិកា ឆ្នាំ២០១៧នេះ ឯកឧត្តមទេសរដ្ឋមន្ត្រី លី ធុជ អគ្គលេខាធិការអាជ្ញាធរមីន បានអនុញ្ញាតឲ្យឯកឧត្តម Mr. Tomáš Kuchta អនុរដ្ឋមន្ត្រីក្រសួងការពារជាតិនៃសាធារណៈរដ្ឋឆេក និងសហការរីចូលរួមជួបសម្តែងការគួរសម និងពិភាក្សាការងារដើម្បីពង្រឹងកិច្ចសហប្រតិបត្តិការលើវិស័យសកម្មភាពមីន។

     

    ឯកឧត្តមទេសរដ្ឋមន្ត្រី ក្នុងនាមសម្តេចតេជោ នាយករដ្ឋមន្ត្រី និងជាប្រធានអាជ្ញាធរមីន ឯកឧត្តមបានមានប្រសាសន៍ស្វាគមន៍យ៉ាងកក់ក្តៅ និងថ្លែងអំណរគុណចំពោះប្រជាជន និងរដ្ឋាភិបាលនៃសាធារណៈរដ្ឋឆេក ដែលតែងបានគាំទ្រដល់រាជរដ្ឋាភិបាលកម្ពុជានាពេលកន្លងមក។

     

    ឯកឧត្តមទេសរដ្ឋមន្ត្រីបានជម្រាបជូនពីអាណត្តិការងាររបស់អាជ្ញាធរមីន ក៏ដូចជាកិច្ចខិតខំប្រឹងប្រែងរបស់រាជរដ្ឋាភិបាលកម្ពុជារួមជាមួយដៃគូអភិវឌ្ឍ ដែលបានប្រឹងប្រែងឆ្លើយតបយ៉ាងសកម្មនូវតម្រូវការផ្នែកមនុស្សធម៌ និងការអភិវឌ្ឍដោយធ្វើការបោសសម្អាតផ្ទៃដីមានមីនជាច្រើនម៉ឺនហិកតា។

     

    ឯកឧត្តមទេសរដ្ឋមន្ត្រី សង្កត់ធ្ងន់ថាកម្ពុជានៅសល់ផ្ទៃដីរងផលប៉ះពាល់ដោយសារមីន និងសំណល់ជាតិផ្ទុះពីសង្គ្រាមប្រមាណជិត២ពាន់គីឡូម៉ែត្រឡា និងត្រូវការថវិការប្រមាណ ៤០០លានដុល្លារ ដើម្បីធ្វើការបោសសម្អាតមីនអោយអស់នៅត្រឹមឆ្នាំ២០២៥។

     

    ឯកឧត្តមទេសរដ្ឋមន្ត្រី បានស្នើសុំឲ្យសាធារណៈឆេក ផ្តល់ការគាំទ្រដល់កិច្ចប្រតិបត្តិការបោសសម្អាតមីន និងសំណល់ជាតិផ្ទុះពីសង្គ្រាម ក៏ដូចជាជួយបណ្តុះបណ្តាលដល់អ្នកជំនាញកម្ពុជាក្នុងការបោសសម្អាតគ្រាប់គីមីដែលបច្ចុប្បន្នកម្ពុជាកំពុងជួបប្រទះនូវបញ្ហានេះ។

     

    ជាការឆ្លើយតប ឯកឧត្តម Mr. Tomáš Kuchta ក្នុងនាមរដ្ឋបាលភិបាលនៃសាធារណៈរដ្ឋឆេក នឹងពិនិត្យលទ្ធភាពជួយដល់ព្រះរាជាណាចក្រកម្ពុជា ក្នុងនោះមានការផ្តល់វគ្គបណ្តុះបណ្តាលមន្ត្រីជំនាញផ្នែកបោសសម្អាតមីន ក៏ដូចជាគម្រោងថវិកាគាំទ្រជួយដល់កិច្ចបោសសម្អាតមីន និងសំណល់ជាតិផ្ទុះពីសង្គ្រាម នាពេលអនាគតផងដែរ។

     

     


    ព័ត៌មានដែលទាក់ទង

    សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី

    សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី


    ឯកសារចុងក្រោយ

    វីដេអូ

    ច័ន្ទ ២១ សីហា ,២០១៧ ១០:១១ 283
    អង្ការ ០៧ មីនា ,២០១៧ ១២:៥២ 458
    អង្ការ ០៧ មីនា ,២០១៧ ១២:៤៧ 501
    ច័ន្ទ ០៦ មីនា ,២០១៧ ០៧:៣៨ 559

    ចំនួនអ្នកចូលទស្សនា

    • ថ្ងៃនេះ29
    • ពីម្សិលមិញ298
    • ស​ប្តា​ហ៍នេះ1961
    • ខែនេះ6947
    • ឆ្នាំនេះ38502