អាជ្ញាធរកម្ពុជាគ្រប់គ្រងសកម្មភាពកម្ចាត់មីន និងសង្គ្រោះជនពិការដោយសារមីន
Cambodian Mine Action and Victim Assistance Authority

វិទ្យុផ្សាយផ្ទាល់

    សិក្ខាសាលាពិគ្រោះយោបល់លើសេចក្តីព្រាងផែនការបញ្ជ្រាបយេនឌ័រក្នុងសកម្មភាពមីន

    សុក្រ ១៧ វិច្ឆិកា ,២០១៧ ១៣:៥៦ 110
    សិក្ខាសាលាពិគ្រោះយោបល់លើសេចក្តីព្រាងផែនការបញ្ជ្រាបយេនឌ័រក្នុងសកម្មភាពមីន

    សៀមរាប ថ្ងៃទី១៤ ខែវិច្ឆិកា ឆ្នាំ២០១៧នេះ ឯកឧត្តមទេសរដ្ឋមន្ត្រី សេរី កុសល ទទួលបន្ទុកបេសកកម្មពិសេស និងជាអនុប្រធានទី១អាជ្ញាធរមីន បានអញ្ជើញចូលរួមជាអធិបតីក្នុងពិធីបិទសិក្ខាសាលាស្តីពីការពិគ្រោះយោបល់លើសេចក្តីព្រាងផែនការបញ្ជ្រាបយេនឌ័រក្នុងសកម្មភាពមីន ឆ្នាំ២០១៨-២០២២ ដែលបានប្រព្រឹត្តិទៅអស់រយៈពេល២ថ្ងៃ ចាប់ពីថ្ងៃទី១៣-១៤ ខែវិច្ឆិកា ឆ្នាំ២០១៧ ដោយមានសមាសភាពចូលរួមពីថ្នាក់ដឹកនាំ មន្រ្តី-បុគ្គលិកអាជ្ញាធរមីន តំណាងក្រសួង-ស្ថាប័នពាក់ព័ន្ធ តំណាងអង្គការ UNDP, NPA, DFID និងមន្ត្រីផែនការសកម្មភាពមីនខេត្តមកពី២៥ រាជធានី-ខេត្ត និងប្រតិបត្តិករបោសសម្អាតមីន និងសំណល់ជាតិផ្ទុះពីសង្គ្រាម ក្នុងគោលបំណងដើម្បីពិភាក្សាផ្លាស់ប្តូរយោបល់ជាមួយភាគីពាក់ព័ន្ធលើសេចក្តីព្រាងផែនការបញ្ជ្រាបយេនឌ័រក្នុងសកម្មភាពមីនឆ្នាំ២០១៨-២០២២។

     

    ឯកឧត្តមទេសរដ្ឋមន្ត្រី បានសំដែងនូវការកោតសរសើរនិងវាយតំលៃខ្ពស់ចំពោះឯកឧត្តម លោកជំទាវ លោក លោកស្រី ក្រុមការងារយេនឌ័រអាជ្ញាធរមីន តំណាងក្រសួង-ស្ថាប័នពាក់ព័ន្ធ តំណាងអង្គការ UNDP NPA DFID និងមន្ត្រីផែនការសកម្មភាពមីនខេត្តមកពី២៥ រាជធានី-ខេត្ត និងប្រតិបត្តិករបោសសម្អាតមីន និងសំណល់ជាតិផ្ទុះពីសង្គ្រាម ដែលបានរៀបចំសិក្ខាសាលានេះឲ្យទទួលបានជោគជ័យ។

     

    ឯកឧត្តមទេសរដ្ឋមន្ត្រី បានសង្កត់ធ្ងន់ថា ឯកឧត្តមនឹងដឹកនាំប្រតិភូកម្ពុជាទៅចូលរួមក្នុងកិច្ចប្រជុំអន្តរជាតិវិស័យមីននៅទីក្រុងវីយែន ប្រទេសអូទ្រីស ហើយឯកឧត្តមក៏នឹងលើកយកការងារបញ្ជ្រាបយេនឌ័រក្នុងវិស័យមីនទៅបង្ហាញនៅក្នុងកិច្ចប្រជុំនេះផងដែរ។

     

    ក្នុងឱកាសនោះដែរ ឯកឧត្តមទេសរដ្ឋមន្ត្រីមានផ្តល់នូវអនុសាសន៍មួយចំនួនដូចខាងក្រោម៖

    ១) រៀបចំគោលការណ៍ណែនាំស្តីពីការបញ្ជ្រាបយេនឌ័រក្នុងសកម្មភាពមីន និងតាមដានត្រួតពិនិត្យនិងវាយតម្លៃលើការអនុវត្តផែនការបញ្ជ្រាបយេនឌ័រក្នុងសកម្មភាពមីនដោយមានការផ្សព្វផ្សាយគ្រប់ស្ថាប័ន ប្រតិបត្តិករបោសសម្អាតមីន និងភាគីពាក់ព័ន្ធ

    ២) ពង្រឹង និងពង្រីកយន្តការបញ្ជ្រាបយេនឌ័រនៅថ្នាក់ជាតិ និងថ្នាក់ក្រោមជាតិ

    ៣)អភិវឌ្ឍសម្ថភាពស្តីពីការបញ្រ្ជាបយេនឌ័រដល់ក្រសួងស្ថាប័នទាំងនៅថ្នាក់ជាតិ និងថ្នាក់ក្រោមជាតិ

    ៤)លើកទឹកចិត្តអោយមានការចូលរួមស្មើភាពគ្នា និងភាពជាតំណាងស្មើភាពគ្នារវាងស្ត្រី និងបុរសក្នុងសកម្មភាពស្វែងរកការគាំទ្រមតិនៅគ្រប់កំរិត

    ៥)បង្កើនការយកចិត្តទុកដាក់ប្រើប្រាស់ទម្រង់កត់ត្រាទិន្នន័យដែលមានការបែងចែកភេទ អាយុ និងពិការភាព


    ព័ត៌មានដែលទាក់ទង

    សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី

    សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី


    ឯកសារចុងក្រោយ

    វីដេអូ

    ច័ន្ទ ២១ សីហា ,២០១៧ ១០:១១ 382
    អង្ការ ០៧ មីនា ,២០១៧ ១២:៥២ 550
    អង្ការ ០៧ មីនា ,២០១៧ ១២:៤៧ 592
    ច័ន្ទ ០៦ មីនា ,២០១៧ ០៧:៣៨ 650

    ចំនួនអ្នកចូលទស្សនា

    • ថ្ងៃនេះ207
    • ពីម្សិលមិញ312
    • ស​ប្តា​ហ៍នេះ207
    • ខែនេះ5999
    • ឆ្នាំនេះ46412